اسلام آباد(مانیٹرنگ ڈیسک)عمران خان میرے بھائی کی طرح ہے، بھارتی اپوزیشن رہنما اور کانگرس کی سربراہ سونیا گاندھی نے سب کو ورطہ حیرت میں ڈال دیا ایسا بیان دیدیا کہ جان کر پاکستانی بھی دنگ رہ جائینگے۔ تفصیلات کے مطابق بھارتی اپوزیشن رہنما اور کانگرس کی سربراہ سونیا گاندھی نے عمران خان کے وزیراعظم پاکستان بننے پر ان کیلئے نیک تمنائوں کا اظہار کرتے ہوئے کہا کہ عمران خان میرے بھائی کی طرح ہے اور ہماری خواہش تھی کہ عمران خان کی حلف برداری تقریب میں
کانگرس کی جانب سے ایک معتبر رہنما کو بھیجا جائے۔ سونیا گاندھی کا بیان ایسے وقت میں سامنے آیا ہے جب بھارتی میڈیا پہلے سے بھارتی سابق کرکٹر نویجت سدھو کی جانب سے عمران خان کی حلف برداری تقریب میں شرکت پر سیخ پا ہے ۔ سیاسی و بین الاقوامی امور پر گہری نظر رکھنے والے تجزیہ کاروں کے مطابق سونیا گاندھی کی جانب سے عمران خان کو تہنیتی پیغام میں ایسے جذبے کا اظہار پاک بھارت تعلقات میں تازہ ہوا کا جھونکا بھی ثابت ہو سکتا ہے۔
