اسلام آباد (این این آئی) لیبیا کے ساحل کے قریب کشتی حادثہ میں جاں بحق ہونے والے 14پاکستانیوں کی شناخت ہوگئی ہے، جاں بحق ہونے والے افراد کا تعلق گجرات،منڈی بہاوالدین،سرگودھا اور راولپنڈی سے ہے، جاں بحق ہونیوالوں میں ایک خاتون بھی شامل ہے۔
ہفتہ کو دفتر خارجہ کی جانب سے جاری بیان کے مطابق گزشتہ روز لیبیا کے قریب غیر قانونی تارکین وطن کی کشتی حادثے میں جاں بحق ہونیوالے 14 پاکستانیوں کی لسٹ جاری کی ہے جن کی شناخت ہوگئی ہے ۔جاں بحق ہونے والے پاکستانیوں رحمت خان ولد محمد عنایت،محمد اسماعیل ولد محمد عنایت،عظمت بی بی زوجہ محمد اسماعیل،لقمان علی ولد شوکت علی،کامران اقبال ولد محمد اقبال،زبی اللہ ولد امتیاز احمد،حمزہ فاروق ولد غلام فاروق،سعد علی ولد محمد اسماعیل کا تعلق گجرات،اکرام الحق ولد عظمت اللہ ،محمد قاسم بیگ ولد محمد امجد،محمد فرحان،محمد تنزیل کا تعلق منڈی بہاوالدین،غلام فرید ولد مرزا غلام نبی کا تعلق راولپنڈی،محمد عزیز ولد عبدالرحمان سرگودھا جبکہ ولید اور شاہ کا تعلق نامعلوم مقام سے ہے۔ترجمان کے مطابق چار پاکستانیوں کی شناخت دوستوں کی مدد ہوئی ہے ،ان کے شناختی کارڈ نہیں ملے ہیں۔محمد عزیز ولد عبدالرحمان سرگودھا جبکہ ولید اور شاہ کا تعلق نامعلوم مقام سے ہے۔ترجمان کے مطابق چار پاکستانیوں کی شناخت دوستوں کی مدد ہوئی ہے ،ان کے شناختی کارڈ نہیں ملے ہیں
