اسلام آباد(مانیٹرنگ ڈیسک)سعودی عرب میں عمرے پر گئے 4پاکستانی زائرین ٹریفک حادثے میں جاں بحق ہوگئے ،عرب میڈیا کے مطابق مدینہ روڈ پر القسیم کے قریب ٹریفک کا ایک المناک حادثہ پیش آیا ہے جس کے نتیجے میں گاڑی میں سوار4 افراد جاں بحق جبکہ ان کا ڈرائیور شدید زخمی ہوگیا ہے ۔جاں بحق ہونے والے چاروں افراد کی شناخت ہوگئی
ہے۔چاروں کا تعلق ضلع لوئر دیر کے علاقے میدان سے تھا، چاروں افراد آپس میں دوست تھے ۔جاں بحق ہونے والوں میں انور زمین ،نعیم اللہ ،واحد گل،سلطان باچا شامل ہیں جن کی عمریں 20سے 26 سال کے درمیان بتائی جاتی ہیں ،واقعے کی خبرجیسے ہی ان کے گھر پہنچی تو کہرام مچ گیا۔ میتوں کی پاکستان منتقلی کیلئے اقدامات کئے جا رہے ہیں
