ریاض (مانیٹرنگ ڈیسک)سعودی عرب میں کرپشن کے کیخلاف مہم میں تیزی آگئی ہے ۔عرب میڈیا کے مطابق سعودی عرب میں حکومت مخالف سعودی شہزادوں اور دیگر بڑی شخصیات کو گرفتار کرنے کا سلسلہ جاری ہے۔ اس سلسلے میں اب معلوم ہے کہ سعودی عرب میں 24 گھنٹے کے دوران 2 شہزادے قتل کر دیے گئے ہیں۔ اطلاعات کے مطابق سابق سعودی فرمانروا شاہ فہد کے سب سے چھوٹے صاحبزادے شہزادہ عبدالعزیز
بن فہد کی گرفتاری کیلئے بھی چھاپے مارے گئے۔تاہم سعودی شہزادے نے گرفتاری دینے سے انکا کر دیا اور مزاحمت کی۔ اس دوران فائرنگ کا تبادلہ بھی ہوا جس کے بعد ن کی موت واقع ہوگئی۔ تاہم سعودی سرکاری ذرائع نے اس خبر کی تردید کرتے ہوئے موقف اختیار کیا ہے کہ شہزادہ عبدالعزیز بن فہد کی موت طبعی بنیادوں پر واقع ہوئی۔یاد رہے کہ خادم حرمین شریفین شاہ سلمان بن عبدالعزیز نے کہا ہے کہ انصاف اور عدل کا نظام ہر چھوٹے اور بڑے پر نافذ ہو گا اور اس سلسلے میں کسی جانب سے ملامت کی پروا نہیں کی جائے گی۔غیرملکی خبررساں ادارے کے مطابق ایک شاہی فرمان میں انہوں نے کہاکہ ہم اللہ رب العزت اور پھر اپنے عوام کے سامنے اس بھاری ذمے داری کے حوالے سے جواب دہ ہیں۔ اللہ نے قرآن کریم میں ارشاد فرمایا کہ تحقیق اللہ زمین میں فساد پھیلانے والوں کو پسند نہیں کرتا، نبی کریم علیہ الصلات و السلام کے مبارک ارشاد کا مفہوم ہے کہ یقیناًتم میں پہلے لوگ اس لیے ہلاک ہوئے کہ ان جب کوئی معزز شخص چوری کرتا تو اس کو چھوڑ دیتے اور اگر کوئی کمزور چوری کرتا تو اس پر حد جاری کرتے تھے۔ اللہ کی قسم اگر فاطمہ بن محمد بھی چوری کرتی تو اس کے ہاتھ کاٹ دیے جاتے۔
