اسلام آباد(مانیٹرنگ ڈیسک) وزیر اعظم شاہد خاقان عباسی کی لندن ایئرپورٹ سے اپنا سامان خود اٹھا کر نکلتے ہوئے وڈیو وائرل ہو گئی۔ تفصیلات کے مطابق پاکستان میں بطور وزیر اعظم 20 سے 30 گاڑیوں کے پروٹوکول میں سفر کرنے والے شاہد خاقان عباسی جب وزیر اعظم کی حیثیت میں ہی لندن ایئر پورٹ سے نکلے تو انہوں نے اپنا سامان خود اٹھایا ہوا تھا اور ایک عام

مسافر کی طرح کی وہ ایئر پورٹ سے باہر جا رہے تھے۔ اس موقع پر ایک پاکستانی شہری نے ان کی وڈیو بنا لی جو بعد ازاں سوشل میڈیا پر وائرل ہو چکی ہے۔ وڈیو بناتے ہوئے پاکستانی شہری کا کہنا تھا کہ یہ تاریخی موقع ہے جسے ہم اپنی قوم کو دکھانا چاہتے ہیں کہ کس طرح کئی گاڑیوں کا پروٹوکول انجوائے کرنے والے وزیر اعظم پاکستان کو لندن میں عام شہری کی طرح ٹریٹ کیا جا رہا ہے۔