واشنگٹن (مانیٹرنگ ڈیسک) شمالی کوریا اور روس کے ساتھ تعلقات کشیدہ، امریکی ایئرفورس کو بی باون بمبار طیارے24 گھنٹے الرٹ رکھنے کا حکم،نجی ٹی وی چینل ’’نیو‘‘ کی رپورٹ کے مطابق جنرل ڈیوڈ گولڈفین کہتے ہیںکہ ایٹمی ہتھیاروں سے لیس طیارے احکامات ملتے ہی فضا میں بلند ہوں گے۔شمالی کوریا اور روس کے ساتھ کشیدہ تعلقات کے پیش نظر امریکی ایئر فورس کے ایٹمی بمبار طیاروں کو چوبیس گھنٹے الرٹ رہنے کا حکم دے دیا گیا۔ چیف آف سٹاف
گنرل ڈیوڈ گولڈ فئن کے مطابق سرد جنگ کے خاتمے کے بعد امریکی بی باون بمبار طیارے پہلی مرتبہ ہائی الرٹ پر ہیں۔بی باون بمبار طیارے ایٹمی ہتھیاروں سے پوری طرح لیس ہوں گے اور احکامات ملتے ہی فضا میں بلند ہوں گے۔شمالی کوریا کے میزائلی اور ایٹمی خطرات سے نمٹنے کی تیاریوں کے پیش نظرجنوبی کوریا، امریکہ اور جاپان نے آج سے دو روزہ میزائل ٹریکنگ ڈرل کی شروعات کردی۔جنوبی کوریائی فوج نے ایک بیان جاری کرتے ہوئے یہ اطلاع دی۔ بیان کے مطابق یہ جنگی مشق جنوبی کوریا اور جاپان کے ساحلی علاقوں میں منعقد کی جائے گی۔
