یروشلم (آئی این پی ) اسرائیلی پولیس نے فیس بک پر عربی زبان میں ‘ گڈ مارننگ لکھنے پر فلسطینی شخص کو گرفتار کر لیا ۔ غیر ملکی مقامی میڈیا کے مطابق اسرائیلی پولیس نے ایک فلسطینی شخص کوجب انھوں نے فیس بک پر عربی زبان میں ‘ گڈ مارننگ’ لکھنے پر گرفتار کر لیا تاہم ترجمے کی غلطی کی وجہ سے عبرانی زبان میں اسے ‘ان پر حملہ کرنا’ پڑھا گیا۔اسرائیلی پولیس کے مطابق تعمیراتی
ورکر کو اشتعال دلانے کے شبہے میں کچھ دیر کے لیے حراست میں رکھا گیا تاہم ترجمے کی غلطی معلوم ہونے پر اسے رہا کر دیا گیا۔اطلاعات کے مطابق مذکورہ فلسطینی شخص کی گرفتاری سے پہلے کسی عربی زبان بولنے والے اہلکار سے مشورہ نہیں کیا گیا اور صرف فیس بک کے خودکار ترجمے پر ہی انحصار کیا گیا۔فلسطینی شخص کی جانب سے فیس بک پر کی جانے والی پوسٹ کو ڈیلیٹ کر دیا گیا ہے۔
