اسلام آباد(مانیٹرنگ ڈیسک)گزشتہ روز سے سوشل میڈیا پر ایک ویڈیو بڑی تیزی کیساتھ وائرل کر رہی ہے جس میں بظاہر دیکھنے میں آتا ہے کہ تقریب کے دوران ہر مہمان کو آئی فون 8 دیا گیا ہے۔لیکن حقیقت اس کے برعسکس نکلی۔ میڈیا رپورٹس کے مطابق سوشل میڈیا پر ایک ویڈیو کو لیکر خبر سوشل میڈیا پر آئی کہ سعودی عرب میں ایک انوکھی شادی ہوئی ہے جس میں تمام مہمانوں کو آئی فون دیا گیا ہے ۔شادی میں شریک

مہمان اس وقت حیران رہ گئے جب سیکنڑوں آئی فون 8 کے ڈبے لائے گئے اور بعدازاں شادی میں شریک ہونے والے ہرمہمان کو آئی فون 8 کا تحفہ دیاگیا ۔۔لیکن دوسری طرف اس خاندان نے مذکورہ تصویر سے متعلق وضاحت کی ہے کہ  ان ڈبوں میں آئی فون 8 نہیں ہیں بلکہ یہ مٹھائی کے ڈبے ہیں اور سوشل میڈیا پر زیر گردش یہ بات بھی غلط ہے کہ یہ شادی کی تقریب ہے ،یہ تقریب شادی کی نہیں تھی بلکہ یہ منگنی کی تقریب تھی۔