اسلام آباد(مانیٹرنگ ڈیسک)افغانستان میںطالبان سےفیصلہ کن معرکہ کیلئے امریکی فوج نے تیاریاں شروع کر دی ہیں۔ اس بات کا انکشاف مشرق وسطی کیلئے امریکا کے کمانڈر جنرل جوزف وٹیل نےامریکی سینٹرل کمانڈ

ہیڈکواٹر میں صحافیوں سے گفتگو کرتے ہوئےکیا۔ ان کا کہنا تھا کہ فغانستان میں 16 برسوں پر محیط جنگ کو منطقی انجام تک پہنچانے کیلئے امریکی فوجی افغان اہلکاروں کو آئندہ برس طالبان کے ساتھ جنگ کیلئے تیار کررہی ہے۔ ہم افغانستان میں طویل جنگ کو ختم کرنے میں دلچسپی رکھتے ہیں اور اسی مقصد کے لیے یہ تمام اقدامات کیے جارہے ہیں۔ افغانستان میں ملنے والی حالیہ کامیابیوں کا مقصد ہرگز جیت تصور نہ کی جائے لیکن اس ضمن میں کچھ اہم فیصلے کیے جا چکے ہیں جس کے نتیجے میں جنگ ختم ہو جائے گی۔واضح رہے کہ گذشتہ ہفتے جوائنٹ چیف آف اسٹاف کے چیئرمین جنرل جوزف ڈانفورڈ نے کانگریس سے کہا تھا کہ افغانستان میں جنگ ختم ہونے کے امکانات نہیں۔جنرل جوزف اور سیکریٹری دفاع جم میٹس نے امریکی قانون ساز ادارے کو یقین دہانی کرائی تھی کہ افغانستان میں امریکی فوجیوں کی تعداد بڑھانے اور افغان اہلکاروں کی عسکری مدد نتیجہ خیز ثابت ہوگی۔ ان کا کہنا تھا کہ افغان جنگ کا سیاسی حل نکالنے کے لیے طالبان کے خلاف بھرپور فوجی کارروائیاں کرنی ہو گی تاکہ وہ مفاہمتی میز پر آنے کے لیے مجبور ہو جائیں۔جنرل جوزف وٹیل نے امکان ظاہر کیا کہ طالبان سے پرامن مذاکرات ممکن ہیں۔