اسلام آباد (مانیٹرنگ ڈیسک) جدہ میں شاہی محل پر حملہ کر دیا گیا، تفصیلات کے مطابق سعودی عرب کے شہر جدہ میں السلام شاہی محل کے قریب ملزمان کی طرف سے حملہ کیا گیا، اس حملے کے نتیجے میں شاہی محل کے دو سکیورٹی اہلکار ہلاک ہو گئے، اس دوران حملہ آور جوابی فائرنگ کے نتیجے میں ہلاک ہو گیا۔ عرب میڈیا کا کہنا ہے کہ سعودی عرب میں موجود امریکی سفارتخانے نے جدہ میں مقیم امریکی شہریوں کو باہر
نکلنے سے روک دیا ہے۔ سوشل میڈیا پر جدہ میں السلام شاہی محل کے قریب ہونے والے حملے کے پیش نظر امریکی سفارتخانے نے اپنے شہریوں کو سرگرمیاں محدود رکھنے کی ہدایت کی ہے۔ ذرائع کا کہنا ہے کہ جدہ میں جہاں حملہ کیا گیا ہے وہاں کچھ فاصلے پر ہی عبدالعزیز اور انڈلس روڈ واقع ہیں۔ یہ واقعہ ابھی تک سوشل میڈیا کی وساطت تک پہنچا ہے مگر ابھی تک سعودی عرب کی حکومت نے اس بارے میں کوئی وضاحت نہیں کی۔