لندن(این این آئی)برطانوی وزیراعظم ٹریزامے نے کہاہے کہ بریگزٹ کی حکومتی پالیسی کی حمایت کی جائے،غیرملکی خبررساں ادارے کے مطابق برطانوی وزیر اعظم ٹریزا مے نے مانچسٹر میں اپنی پارٹی کی سالانہ کانفرنس کے شرکاء سے خطاب کرتے ہوئے کہا کہ قدامت پسند پارٹی کو لندن حکومت کی بریگزٹ سے متعلق حکمت عملی کی متحد ہو کر حمایت کرنا چاہیے۔ اس کنوینشن
سے اپنے اختتامی خطاب میں انہوں نے کہا کہ برطانوی قدامت پسندوں کو مل کر اپنے ملک کو وہ حکومت مہیا کرنا چاہیے، جس کی برطانیہ کو اس وقت ضرورت ہے، خاص طور پر یورپی یونین سے انخلاء کے عمل اور برسلز کے ساتھ مذاکرات کے حوالے سے۔
