انقرہ(این این آئی)ترکی کی ایک عدالت نے چالیس مشتبہ افراد کو عمر قید کی سزا سنا دی ہے۔ ترک سرکاری ٹیلی وڑن کے مطابق عدالت نے ان افراد کو صدر رجب طیب ایردوآن کے قتل کی منصوبہ بندی میں مجرم قرار دیا۔ بتایا گیا ہے کہ ان افراد نے گزشتہ برس کی ناکام فوجی بغاوت کے دوران ہیلی کاپٹر کے ذریعے اس ہوٹل کو نشانہ بنانے کی کوشش کی تھی،
جس میں ایردوآن ٹھہرے ہوئے تھے۔ یہ مقدمہ کل 46افراد کے خلاف چل رہا تھا، جن میں سے سینتیس سابقہ فوجی اہلکار تھے۔ ان میں سے چند کو رہا کر دیا گیا ہے۔
