اسلام آباد (این این آئی)وزیر خزانہ سینیٹراسحاق ڈار نے احتساب عدالت کے 27ستمبر کے فیصلے کو اسلام آباد ہائیکورٹ میں چیلنج کردیا۔پیر کو وزیر خزانہ اسحاق ڈار نے نیب ریفرنس پر احتساب عدالت کے27ستمبر کے فیصلے کو اسلام آباد ہائیکورٹ میں چیلنج کردیا۔ درخواست میں کہا گیا کہ اسحاق ڈار پر فرد جرم عجلت میں عائد کی گئی۔ درخواست میں چیئرمین نیب اور احتساب عدالت کو فریق بنایا گیا ہے۔
عدالت سے استدعا کی گئی ہے کہ فرد جرم عائد کرنے کے فیصلے کو دوبارہ دیکھا جائے،27ستمبر کو حکم نامے میں قانونی تقاضے پورے نہیں کیے ،فرد جرم عائد کرنے کے فیصلے پر نظرثانی کی جائے۔ درخواست میں فرد جرم عائد کرنے کی کاروائی کا حکم نامہ معطل کرنے کی استدعا کی گئی ہے۔اسحاق ڈار نے احتساب عدالت میں ٹرائل رکوانے کی بھی استدعا کی ہے۔
