برلن(این این آئی)جرمن وزارت دفاع نے کہاہے کہ ملکی ملٹری کاؤنٹر انٹیلی جنس ادارہ اس وقت دائیں بازو کے انتہا پسندوں سے متعلق تین سو اکانوے کیسز میں تحقیقات جاری رکھے ہوئے ہے ۔ اپوزیشن جماعتوں نے الزام عائد کیا ہے کہ یہ فوجی ’کسی بھی وقت پھٹ جانے والے بم‘ ہیں۔غیرملکی خبررساں ادارے کے مطابق جرمن فوج میں دائیں بازو کے انتہاپسندوں اور نازیوں کے

ہمدرد فوجیوں سے متعلق تحققیات میں وسعت پیدا ہوتی جا رہی ہے اور حقائق منظر عام پر لائے جا رہے ہیں۔ملک میں ملٹری کاؤنٹر انٹیلی جنس سروس ( ایم اے ڈی) نے 2017میں دائیں بازو کی انتہاپسندی سے متعلق دو سو چھیاسی نئے کیس ریکارڈ کیے ۔ ملٹری کاؤنٹر انٹیلی جنس ایجنسی رواں برس کے آغاز پر بھی دو سو پچھہتر ایسے کیسز کے بارے میں تحقیقات جاری رکھے ہوئے

تھی۔ فنکے میڈیا گروپ کے مطابق یہ رپورٹ وزارت دفاع کی طرف سے پارلیمانی انکوائری کے جواب میں پیش کی گئی ہے۔ ابھی تک نہ تو جرمن وزارت دفاع اور نہ ہی ملکی فوج نے اس حوالے سے باقاعدہ کوئی بیان جاری کیا ہے۔