اسلام آباد (مانیٹرنگ ڈیسک) ڈیرہ سچا سودا کے مذہبی پیشوا گروگرمیت سنگھ کی خواتین پیروکاروں کے ساتھ زیادتی کے بعد ایک اور شخص کو گرفتار کیا گیا ہے۔ تفصیلات کے مطابق فلاری بابا کو اکیس سالہ نوجوان لڑکی کے ساتھ زیادتی کے جرم میں گرفتار کر لیا گیا ہے۔ فلاری بابا نے کہا ہے کہ وہ بلڈپریشر کے مرض میں مبتلا ہے
مگر جب ان کی میڈیکل رپورٹ آئی تو پتہ چلا کہ بابا نے جھوٹ بولا ہے جس پر عدالت نے انہیں پندرہ روزہ ریمانڈ پر بھیج دیا ہے۔ بھارتی پولیس نے بتایا کہ زیادتی کا شکار خاتون آشرم میں پیسے دینے آئی تھی جہاں اسے فلاری بابا نے زیادتی کا نشانہ بنا ڈالا۔ واضح رہے کہ زیادتی کا شکار ہونے والی لڑکی قانون کی طالبہ ہے۔
