ہوانا (آئی این پی) ایئر چائنا کا 747طیارہ انسانی امداد کی بھاری کھیپ لے کر گذشتہ روز جوسی ماتری کے بین الاقوامی ہوائی اڈے پر اتر گیا ،یہ امداد سمندری طوفان ہیری کین ارما سے ہونیوالے متاثرہ افراد میں تقسیم کی جائیگی ، چین کی طرف سے یہ پہلا طیارہ ہے جو 86ٹن امدادی سامان لے کر کیوبا پہنچا ہے ،سامان میں ٹینٹ ، جنریٹر ، فولڈ نگ بیڈ ، کمبل ، واٹر پمپ اور ضرورت کی

دیگر اشیاء شامل ہیں ، ہوائی اڈے پر امداد ی سامان کیوبا میں چین کے سفیر چین زی نے وصول کیا اور اس موقع پر بات چیت کرتے ہوئے کہا کہ چین اور کیوبا کے عوام کے درمیان روایتی دوستی موجود ہے اور چینی حکومت نے کیوبا کے متاثرہ عوام کیلئے امداد ی سامان کی پہلی کھیپ ہنگامی طورپر بھیجنے کا فیصلہ کیا ہے ۔ہمیں توقع ہے کہ اس سے کیوبا کی متاثرہ عوام کی مشکلات کم

کرنے میں مددملے گی ۔اس موقع پر کیوبا کے غیرملکی تجارت اور سر مایہ کاری کے نائب وزیر انتونیو کیری کارٹے نے چین کی طرف سے ہنگامی امداد پر شکریہ ادا کیا اور انہوں نے کہا کہ چین اور کیوبا آپس میں بھائی بھائی ہیں اور ہمارے دوستانہ تعلقات مستحکم اور احترام کی بنیاد پر قائم ہیں ۔