اسلام آباد (مانیٹرنگ ڈیسک) سعودی عرب میں ایک لڑکے نے اپنی ماں کے بے دردی سے کچل دیا، سفاکی کی انتہا کر دی، تفصیلات کے مطابق سعودی عرب میں ایک بیٹے نے اپنی ماں کو گاڑی سے کچل کر ہلاک کر دیا ہے۔ سعودی اخبار نے بتایا کہ صحاری سٹیشن کے قریب رماح الریاض روڈ پر ایک سعودی نوجوان نے اپنی ماں کو گاڑی سے اتارا اور تین مرتبہ اس پر گاڑی چڑھائی جس سے اس کی ماں موقع پر ہی دم توڑ گئی۔ اس افسوسناک اور سفاک واقعہ کی خبر سے پورے
علاقے میں غم و غصہ کی لہر دوڑ گئی۔ واضح رہے کہ بیٹے نے ماں کو الامل ہسپتال اپنے ہمراہ لے جانے کے لیے اپنی کار میں بٹھایا تھا۔ جیسے ہی اس سعودی نوجوان کے بھائیوں کو اس واقعہ کا علم ہوا تو انہوں نے موقع پر پہنچ کر اپنے سفاک بھائی کو قتل کر دیا اور اپنی والدہ کی موت کا بدلہ لے لیا، یہاں یہ بات قابل ذکر ہے کہ ماں کو قتل کرنے والا ذہنی مریض تھا اور الامل ہسپتال میں زیر علاج بھی تھا، اس واقعہ کے بعد سعودی عرب کی پولیس نے اپنی کارروائی شروع کر دی ہے۔
