ایتھنز(آئی این پی )یونانی پولیس نے 14پاکستانی پناہ گزینوں کو انکے ہم وطنوں کی قید سے آزاد کرالیا۔غیر ملکی میڈیا کے مطابق یونانی پولیس کا کہنا ہے کہ 14پاکستانی پناہ گزنیوں کو انکے 5وطنوں کی قید سے آزاد کرالیا گیا ہے جنھوں نے ان لوگوں کو پیسے کے مطالبے کیلئے قید رکھا تھا۔حکام کا کہنا ہے کہ تمام14افراد 12ستمبر کو ترکی کی سرحد سے یونان داخل ہوئے تھے او ر انھوں نے اس سفر کیلئے
1500یورو(1790ڈالر) فی کس ادا کیے تھے لیکن انھیں تسلسلونیکی کے علاقے میں واقع ایک الگ تھلگ گھر میں لے جا کر قید کرلیا گیا اور ان سے رہائی کے عوض مزید 450یورو کا مطالبہ کیا گیا۔15ستمبر کو ایک شخص قید سے فرار ہونے میں کامیاب ہوگیا اور اس نے پولیس کو بتا دیا کہ انھیں پکڑنے والوں نے دھمکی دی ہے اور انھیں تشدد کا نشانہ بنایا گیا ہے جس پر پولیس نے 16ستمبر کو گھر پر چھاپہ مار کرملزمان کو گرفتار کرلیا جس میں ایک 17اور 34سال کا شخص بھی شامل ہے ۔
