صنعاء(این این آئی)یمن کے مقامی ذرائع ابلاغ نے خبر دی ہے کہ دارالحکومت صنعاء اور اس کے مضافات بالخصوص وادی ظہر اور شمالی قصبے القابل سے ایران نواز حوثی باغیوں نے 10 سے 16 سال کی عمر کے بچوں سمیت 50 افراد کو اغواء کیا تھا۔ معلوم ہوا ہے کہ اغواء کیے گئے بچوں سمیت تمام افراد کو کسی قسم کی جنگی تربیت کے بغیر جنگ میں جھونک دیا گیا ہے۔عرب ٹی وی کے مطابق باغیوں نے ان بچوں اور دیگر

افراد کو ان کے اہل خانہ کو بتائے بغیر اغواء کیا۔ انہیں کسی قسم کی عسکری تربیت بھی نہیں دی گئی مگر انہیں باضابطہ فوج میں شامل کرنے اور ماہانہ مشاہرے کا لالچ دے کر جنگ میں جھونک دیا ہے۔ذرائع کے مطابق گذشتہ ہفتے صنعاء کے انہی علاقوں سے باغیوں نے 11 کم عمر بچوں کو پکڑ کرانہیں نھم محاذ پر دیگر جنگجوؤں کے ساتھ بھیج دیا تھا۔