ریاض (این این آئی)سعودی عرب میں عازمین حج کی آمد کا سلسلہ جاری ہے۔ عرب ٹی وی کے مطابق ڈاریکٹوریٹ جنرل برائے پاسپورٹس کی جانب سے جاری کردہ ایک بیان میں بتایا گیا ہے کہ گذشتہ روز تک فریضہ حج کی ادائی کے لیے آنے والے عازمین حج کی تعداد 11 لاکھ 51 ہزار 10 درج کی گئی ہے۔پچھلے سال کی نسبت اتنے عرصے میں آنے والے عازمین حج کی تعداد میں 25 فی صد اضافہ ہوا ہے

اور قریبا 2 لاکھ 28 ہزار 704 عازمین حج گذشتہ برس کی نسبت زیادہ آئے ہیں۔ڈائریکٹوریٹ جنرل پاسپورٹس کا کہنا تھا کہ ہوائی جہازوں سے آنے والے عازمین کی تعداد 10 لاکھ 84 ہزار 859 ہے جب کہ خشکی کے راستے 60 ہزار 204 عازمین حج مکہ مکرمہ پہنچے جب کہ سمندری سفر طے کرکے 5 ہزار 947 عازمین سعودی عرب پہنچنے میں کامیاب ہوئے ہیں۔