لندن(آئی این پی)لند ن برج حملے میں ملوث پاکستانی نژاد برطانوی شہری خرم شہزاد بٹ کی خفیہ طور پر تدفین کردی گئی ۔غیر ملکی میڈیا کے مطابق لند ن میں متعدد قبرستانوں کی جانب سے لندن برج دہشتگردی میں ملوث حملہ آور کی لاش کو قبول کرنے سے انکار کے بعد پاکستانی نژاد برطانوی شہری خرم شہزاد بٹ کو خفیہ طورپر دفنا دیا گیا۔ایک اخبار کی رپورٹ
کے مطابق حملہ آور کے ایک رشتہ دار نے حال ہی میں وسطی لندن میں خاندان کے گھر کے قریب ایک قبرستان سے خرم بٹ کی لاش کو نکال دیا تھا۔واضح رہے کہ خرم بٹ اور راشد رضوان نے لندن برج اور بورو مارکیٹ میں ایک حملے میں سات افراد کو ہلاک اور 48 کو زخمی کیا تھا۔پولیس نے ان حملہ آوروں کو بھی موقع پر ہی گولی مار کر ہلاک کر دیا تھا۔
