اسلام آباد(مانیٹرنگ ڈیسک)قطر سعودیہ کشیدگی روز بروز شدت اختیار کرتی جا رہی ہے اور اب اس کا اثر عرب ممالک میں رہنے والے شہریوں پر بھی دیکھا جا سکتا ہے ۔ عرب شہری ان دنوں قطر اور سعودی عرب کے ساتھ اپنی نظریاتی وابستگی اور ہمدردی کے طور پر اپنے بچوں کے نام تک اپنی پسند کے ملک کے نام پر رکھنا شروع ہو گئے ہیں۔ اسی طرح کا ایک واقعہ اس وقت پیش آیا جب کویت کے ایک شہری نے اپنی بیٹی کا نام ’’قطر‘‘رکھ کر اپنی ویڈیو سوشل میڈیا پر شیئر کر دی جس کے جواب میں ایک سعودی شہری
نے سماجی رابطوں کی ویب سائٹ ٹویٹر پر روایتی سعودی لباس زیب تن کئے اور ہاتھ میں سعودی عرب کا قومی پرچم تھامے اپنی ایک ویڈیو شیئر کی ہے جس میں احمد العنیزی بتا رہا ہے کہ اسے اللہ نے ایک بیٹی سے نوازا ہے جو کہ اس کی پہلی اولاد ہے اور اس نے سعودی عرب کی محبت میں اپنی بیٹی کا نام ’’السعودیہ‘‘رکھ دیا ہے۔احمد العنیزی کی ویڈیو شیئر ہوتے ہی ’’سعودی نے اپنی بیٹی کا نام سعودیہ رکھ دیا‘‘ہیش ٹیگ بن گیا ہے اور اسے اب تک ٹویٹر پر 65ہزار سے زائد افراد نے شیئر اور پسند کیا ہے۔
