ریاض( آن لائن ) سعودی عرب نے اسرائیلی ہوائی اڈے پر سعودی طیارے کی جعلی تصویر پر اظہارِ برہمی کیا ہے۔عالمی ذرائع ابلاغ کے مطابق سعودی عرب کی قومی ہوائی کمپنی سعودیہ نے سوشل میڈیا پر گردش کرنے والی اس تصویر کو مسترد کر دیا ہے جس میں اس کا ایک جہاز اسرائیل کے بن گوریون ہوائی اڈے پر کھڑا ہے اور کہا ہے کہ یہ سیاسی مقاصد کے لیے کی گئی ایک جعل سازی ہے۔

سعودی ہوائی کمپنی کے ترجمان عبدالرحمان الطیب نے کہا ہے کہ ایسے بہت سے گروہ ہیں جو سوشل میڈیا پر بے نام اکاونٹس کے ذریعے جھوٹ، افواہیں اور مبالغہ آرائی پھیلاتے ہیں تاکہ ہوائی کمپنی کو نقصان پہنچایا جائے اور بدنام کیا جائے۔انھوں نے تنبیہ کرتے ہوئے کہا کہ بدقسمتی سے کچھ لوگ ایسے ہیں جو کسی بھی خبر کی تصدیق کیے بغیر اسے ری ٹویٹ کر دیتے ہیں، جس کے ذمہ دار وہ خود ہیں اور انھیں قانون کے مطابق سزا دی جاسکتی ہے۔ ۔#/s#