ریاض ( آن لائن )سعود ی ہوائی کمپنی سعودیہ نے سوشل میڈیا پر گردش کرنے والی اس تصویر کو مسترد کر دیا ہے جس میں اس کا ایک جہاز اسرائیل کے بن گوریون ہوائی اڈے پر کھڑا ہے اور کہا ہے کہ یہ سیاسی مقاصد کے لیے کی گئی ایک جعل سازی ہے۔سعودی اخبار کے مطابق ہوائی کمپنی کے ترجمان عبدالرحمان الطیب نے کہا کہ ’ایسے بہت سے گروہ ہیں جو سوشل میڈیا پر بے نام اکاؤنٹس کے ذریعے جھوٹ، افواہیں اور
مبالغہ آرائی پھیلاتے ہیں تاکہ ہوائی کمپنی کو نقصان پہنچایا جائے اور بدنام کیا جائے، جو ایک قومی علامت ہے۔‘انھوں نے تنبیہ کی کہ ’بدقسمتی سے ، کچھ لوگوں اس کی اصلیت کی تصدیق کیے بغیر اسے ری ٹویٹ کر دیتے ہیں، جس کے ذمہ دار وہ خود ہیں، اور انھیں قانون کے مطابق سزا دی جاسکتی ہے۔‘ یہ تصویر دراصل غیر ملکی خبررساں ادارے کی ہے جس میں ہوائی اڈے پر اسرائیل کی قومی ہوائی کمپنی ال عال کے ایک جہاز کو دیکھا جا سکتا ہے واضح رہے کہ سعودی عرب اور اس کی عرب اتحادی قطر پر دہشت گرد گروہوں کو مالی امداد فراہم کرنے اور حریف ایران کے ساتھ قریبی تعلقات قائم کرنے کا الزام عائد کرتے ہیں۔
