اسلام آباد(مانیٹرنگ ڈیسک)افغانستان میں دھماکے اور فائرنگ کے نتیجے میں ایک جج اور 8سکیورٹی اہلکار ہلاک، متعدد زخمی۔ افغان میڈیا کے مطابق افغانستان میں صوبہ پروان کے ضلع بگرام میں نامعلوم افراد نے امریکی فوجی اڈے بگرام ائیر بیس پر ڈیوٹی کیلئے جانیوالے سکیورٹی اہلکاروں پر گھات لگا کر حملہ کر دیا جس کے نتیجے میں 8سکیورٹی اہلکار ہلاک ہو گئے ہیں۔ صوبہ ننگر ہار کے شہر جلال آباد میں

جج کی گاڑی کو بم سے اڑا دیا گیا ہے جس کے نتیجے میں جج اور اس کے دو بھائی زخمی ہوئے جنہیں ہسپتال منتقل کیا گیا ہے جہاں جج شیر رحمان زخموں کی تاب نہ لاتے ہوئے ہلاک ہو گیا ہے۔جبکہ کابل سے نامعلوم مسلح افراد نے ایک امریکی شہری کو اغوا کرلیا ہے۔مغوی امریکی شہری کی شناخت ظاہر نہیں کی گئی ہے تاہم بتایا گیا ہے کہ وہ عالمی بینک کے ایک منصوبے پر افغان وزارت زراعت میں کام کررہا تھا۔