بیجنگ (آ ئی این پی ) چیئر مین جوائنٹ چیفس آف سٹاف کمیٹی جنرل زبیر محمود حیات نے کہا ہے کہ بین الاقوامی صورتحال کتنی بھی تبدیل ہوجائے پاکستان ہمیشہ چین کے ساتھ ہوگا،ک چین دوستی وقت کی آزمائشوں پر پوری اتری ۔چائنہ ریڈیو انٹرنیشنل کے مطابق چین کی مرکزی فوجی کمیٹی کے نائب چیرمنشو چھی لیانگ نے بیجنگ میں پاکستان کے چیئر مین جوائنٹ چیفس آف سٹاف کمیٹی جنرل زبیر محمود حیات سے ملاقات کی۔ اس موقع پرشو چھی لیانگ نے

روایتی چین پاک دوستی کو بھر پور سراہااوراس امید کا اظہار کیا کہ فریقین دونوں ملکوں اورافواج کے درمیان تعلقات کو مزید وسعت دیں گے ، اوردونوں ملکوں کے درمیان چار موسموں کے ہمہ گیرتزویراتی شراکت داری پر مبنی تعلقات کی ترقی اور تعاون کے فروغ کے لئے کوشش کریں گے۔جنرل زبیر محمود حیات نے کہا کہ پاک چین دوستی وقت کی آزمائشوں پر پوری اتری ہے۔خواہ بین الاقوامی صورتحال کتنی بھی تبدیل نہ ہو جائے ، پاکستان ہمیشہ چین کے ساتھ ہوگا ۔

موضوعات:پاک فوج جنرل زبیر محمود حیات