نئی دہلی(این این آئی) بھارت میں 5کلو سونے کی لالچ میں والدین نے اپنی 15سالہ بیٹی جعلی عامل کے حوالے کر دی،جعلی عامل نے قتل کردینے کے بعد معصوم بچی کی نعش کی عصمت دری بھی کی ،پولیس نے دفن شدہ نعش برآمد کر کے جعلی عامل گرفتار کر لیا۔بھارتی ٹی وی کے مطابق جعلی عامل شرما لڑکی کے باپ مہاویر کے ڈرائیور کی حیثیت سے کام کرتاتھا، مہاویر کے کاروبار میں کچھ رکاوٹیں پیدا ہورہی تھی شرما نے مہاویر اور اس کی بیوی پشپا

کو مشورہ دیا کہ اگر وہ اپنی بیٹی کی قربانی دیتے ہیں تو مذہبی رسومات ادا کرنے کے ایک گھنٹے کے اندر انہیں پانچ کلوسونے پر مشتمل دفینہ ملے گا۔ وہ لوگ مندر روانہ ہوئے جہاں پر پوجا کی اور نیم بیہوش لڑکی کو مذہبی رسومات کے لئے اس کے ماں باپ کے سامنے برہنہ کیاگیا۔رسومات کے طور پر اس کا گلہ دبا کر قریبی میدان میں اس کو دفن کردیاگیا۔نعش چھپانے سے قبل شرما نے مردہ لڑکی کی عزت لوٹی اور گردن کاٹ کر کچھ خون بھی حاصل کیاتاکہ دیوی دیوتا?ں کو پیش کیاجاسکے۔ پولیس نے مزید کہاکہ نعش برآمد ہونے کے بعد ہم نے اسے پوسٹ مارٹم کے لئے بھیج دیا ہے۔ متوفی لڑکی کے والدین کو پوچھ گچھ کے لئے حراست میں لے لیاگیا ہے۔ لڑکی کے والدین نے پولیس کے پاس بیٹی کے اغوا کی شکایت درج کروا رکھی تھی۔

موضوعات:جعلی عامل