اسلام آباد (آن لائن) سعودی عرب نے ایک لاکھ پاکستانی عمرہ زائرین کی اجازت دیدی ہے۔ رمضان شریف کے باقی دنوں میں ایک لاکھ سے زائد پاکستانی عمرہ کی سعادت حاصل کرنے کے لئے سعودی عرب جائیں گے۔ سعودی عرب کے کراچی قونصل خانہ کی طرف سے جاری ایک خصوصی پیغام میں کہا گیا ہے کہ بعض تکنیکی بنیادوں پر ایک لاکھ پاکستانی عمرہ زائرین کو ویزہ جاری نہیں ہو سکے۔ اب حکومت سعودی عرب نے ایک لاکھ عمرہ کے لئے ویزوں کی اجازت دے دی ہےاور اگلے 28گھنٹوں میں ایک لاکھ پاسپورٹ پر ویزے سٹیمپ کر دیئے جائیں گے۔ ویزوں میں تاخیر کی وجہ سے مختلف قسم کی افواہیں بھی پھیلائی گئی تھیں جن میں کرپشن کے الزامات کی ہی آوازیں آتی ہیں۔ سعودی قونصل خانہ نے ان تمام الزامات کی دو ٹوک الفاظ میں تردید کی ہے اور کہا ہے کہ عوام کو عمرہ بارے تمام ویزے جلد جاری کئے جائیں گے۔ سعودی قونصل خانہ نے ویزوں کے اجراء میں غیر ضروری تاخیر پر معذرت بھی کی ہے۔ قونصل خانہ کے ترجمان نے کہا کہ ویزوں میں تاخیر کی بنیاد پر بعض شر پسند عناصر نے دونوں اسلامی ممالک کے مابین اختلافات کی خلیج پیدا کرنے کی ناکام کوششیں کی ہیں۔ سعودی عرب کے افسران ہمیشہ اسلامی بھائیوں کی خدمت کرنے میں پیش پیش ہیں۔ پاکستان سے ہر سال لاکھوں افراد عمرہ کیس عادت حاصل کرنے کے لئے سعودی عرب جاتے ہیں لیکن بعض تکنیکی بنیادوں پر عمرہ کے ویزوں پر سٹیم جاری نہیں ہو سکے۔ اب سعودی حکومت نے ایک لاکھ سے زائد پاسپورٹ سٹکرز جاری کر دیئے ہیں جن کے بعد اب ویزوں کا اجرا شروع ہو جائے گا۔