نئی دہلی (مانیٹرنگ ڈیسک )پاکستان کیخلاف زہر اگلنے والے پاکستانی نژاد کینیڈین شہری طارق فتح کی بھارت میں درگت بنا دی گئی۔ تفصیل کے مطابق پاکستانی نژاد کینیڈین طارق فتح پر نئی دہلی میں حملہ ہو گیا ،لوگوں نے لاتوں اور گھونسوں سے خوب دھلائی کردی ۔بھارتی میڈ یا کی رپورٹس کے مطابق پیر کے روز بھارتی دارالحکومت نئی دہلی میں ”جشن ِریکھتا“نامی اردو شاعری کے فیسٹیول
کے دوران 67سالہ طارق فتح کو لوگوں نے گھیر لیا جس پر اس نے لوگوں سے الجھنا شروع کر دیا ۔اس دوران وہاں موجود نوجوانوں نے اسلام کے خلاف بات کرنے والے طارق فتح کو لاتوں اور گھونسوں کا نشانہ بنا یا،وہاں موجود پولیس اہلکار اور بھارتی ڈپٹی ہائی کمشنر نے بیچ بچاؤ کرایا ۔لبرل سوچ کے مالک اور مسلم کینیڈین کانگریس بانی طارق فتح نے اس حملے کے حوالے سے کہا کہ میں خوش ہوں کہ 67سال کا ہونے کے باوجود 20سالہ اردو جہادی کا سامنا کیا ،وہاں موجود 100بھیڑیے مجھ پر ٹوٹ پڑے تھے ۔واضح رہے کہ اس سے قبل بھی طارق فتح کو ایک بھارتی یونیورسٹی میں سکھ طلبا نے پاکستان کیخلاف بولنے پر تشدد کا نشانہ بنایا تھا۔
