اسلام آباد(مانیٹرنگ ڈیسک)برطانوی فوج حملہ کرنے کی صلاحیت سے محروم اور دفاع کے قابل نہیں، سنڈے ٹائمز نے برطانوی دفاعی نظام کی بیچ چوراہے ہنڈیا پھوڑ ڈالی۔ تفصیلات کے مطابق برطانیہ کے مشہور اخبار سنڈے ٹائمز نے لکھا ہے کہ برطانیہ کے بحری جنگی جہازوں کے انجن اس قدر شور پیدا کرتے ہیں کہ روسی آبدوزیں کئی سو میل دور سے ہی ان کاپتا چلا کر نشانہ بنا سکتی ہیں۔
جبکہ برطانیہ کے لائٹ ٹینک اس قدر وزنی ہیں انہیں کسی بھی طیارے پر لوڈ ہی نہیں کیا جا سکتا۔واضح رہے کہ برطانوی افواج اپنی جنگی صلاحیتوں کو بڑھانے کے لیے بھاری اخراجات کر رہی ہیں ایک ارب پاونڈ مالیت کے جدید ڈرون بھی حاصل کیے گئے ہیں جو کہ تاحال فوجی استعمال میں نہیں آئےاور ان ڈرون کے آرڈر کو طویل عرصہ گزر چکا ہے۔
