اسلام آباد ( مانیٹرنگ ڈیسک) جنوبی بھارت کی ریاست تلنگانہ کے وزیرِاعلیٰ چندرشیکھر راو کے 50 کروڑ روپے مالیت کے نئے محل نما گھر میں منتقل ہوگئے ہیں جبکہ اس محل کے بم پروف واش روم کی اطلاع نے لوگوں میں غم و غصے کی لہر دوڑا دی ہے جبکہ میڈیا ذرائع کے مطابق عوام کی جانب سے بڑے پیمانے پر احتجاج کی تیاریاں بھی سننے میں آرہی ہیں ۔
رپورٹس کے مطابق حیدر آباد شہر کے پوش علاقے میں واقع یہ عمارت 9 ہزار مربع میٹر پر پھیلی ہوئی ہے۔ اس گھر میں ایک آڈیٹوریم ہے جس میں اڑھائی سو افراد کے بیٹھنے کی گنجائش ہے اور ایک میٹنگ ہال ہے جس میں پانچ سو لوگ بیٹھ سکتے ہیں۔ سب سے زیادہ تنقید کا نشانہ اس گھر کے بلٹ پروف باتھ روموں کو بنایا جا رہا ہے۔ اس گھر کو وزیرِاعلیٰ کے روحانی گرو چِنا جیئر سوامی نے آشیرواد دی جس کے بعد وزیرِاعلیٰ کے چندرشیکھر راو جمعرات کو یہاں شفٹ ہوئے تھے ۔