نئی دہلی (مانیٹرنگ ڈیسک)دنیابھرمیں سب سے زیادہ غربت کا شکار بھارت پاکستان کی دشمنی میں نت نئے میزائلوں کے تجربات کرنے پر تلا ہے، بھارتی میڈیا نے مسلسل دوسرے دن ایٹمی صلاحیت کے حامل اگنی ون میزائل کے کامیاب تجربے کا دعویٰ کیا ہے، میزائل تجربہ اوڑیسہ کے ساحل پر کیا گیا، ایک ہی دن پہلے بھارت نے پرتھوی ٹو میزائل کا بھی تجربہ کیا تھا اس میزائل کو بھی اسی جگہ سے لانچ کیا گیا، بھارت بار بار ایسے میزائل تجربات کر کے خطے توازن بگاڑنے میں مصروف ہے۔عالمی دفاعی ماہرین نے

بھارتی میزائل تجربات پراپنے ردعمل میں کہاہے کہ بھارت کی میزائل ٹیکنالوجی میں کوئی ایسی خاص بات نہیں ہے بلکہ بھارت صرف میزائل تجربات کرکے اپنے پائوں پرکلہاڑی ماررہاہے ۔ماہرین کاکہناتھاکہ بھارت کی ٹیکنالوجی ابھی دنیاکے ایٹمی ہتھیاررکھنے والے ممالک کے مقابلے میں بہت پیچھے ہے اوربھارت کے سائنسدان صرف میزائل بنارہے ہیں اورقوم کاپیسہ ضائع کررہے ہیں کیونکہ ابھی تک بھارتی میزائل کی کسی بھی عالمی دفاعی ادارے نے تصدیق نہیں کی کہ یہ میزائل پاکستان سمیت خطے میں کسی بھی ملک کے خطرہ ہیں ۔ماہرین کاکہناہے کہ بھارت کے پاکستان کے کئی اہم علاقوں کونشانہ بنانے میں کوئی حقیقت نہیں ہے کیونکہ پاکستان کامیزائل سسٹم بھارت سے کئ گناجدید ہے اوربھارتی میزائلوں کوہدف تک پہنچنے سے پہلے ہی تباہ کرنے کی صلاحیت رکھتاہے ۔ماہرین کاکہناہے کہ پاکستان کامیزائلوں کی ہدف تک مارکرنے کی رفتاربھارتی میزائلوں کے مقابلے میں 10گنازیادہ ہے اورپاکستان بھارتی میزائلوں کوفضامیں ہی تباہ کرد ےگا،

بھارتی دفاعی ماہرین نے بھی میزائل تجربوں کوناکام قراردیاہے اوران کاکہناہے کہ بھارت کے میزائل جتنی رینج کے بتائے جاتے ہیں اتنی رینج ان کی نہیں ہوتی ہے اوراس سے قبل بھی بھارت اپنے میزائل تجربات کوکامیاب قراردے چکاہے تاہم ابھی تک دنیابھرمیں بھارت کاکوئی دفاعی خریدارنہیں ہے جبکہ پاکستان کے میزائل دنیامیں خریدنے کی منڈی موجود ہے جس کی وجہ پاکستان کی جدید میزائل ٹیکنالوجی ہے اورعالمی معیارکی میزائل ٹیکنالوجی نہ ہونے کی وجہ سے بھارت کسی بھی عالمی دفاعی نمائش میں اپنے میزائل پیش نہیں کرتاہے جس کی وجہ یہ ہے بھارتی سائنسدانوں کوہی اپنی میزائل ٹیکنالوجی پراعتماد نہیں ہے ۔عالمی ماہرین کاکہناہے کہ پاکستان کامیزائل نظام محفوظ ترین اوردنیاکے بہترین نظاموں میں سے ایک ہے اوربھارت کے کئی اہم علاقے پاکستانی میزائلوں کی رینج میں ہیں ۔