اسلام آباد(مانیٹرنگ ڈیسک) پاک بھارت کشیدگی کو آج 3سے 4ماہ ہونے کو ہیں ۔ روزانہ کی بنیاد پر ہونے والی لائن آف کنٹرول کی خلاف ورزی سے پاکستان اور بھارتی سرحدوں سے ملحقہ علاقوں کے لوگوں میں خوف کے بادل بھی منڈلانے لگے ہیں ۔ کب کیا ہو جائے کچھ پتانہیں ۔ آپ کو یاد ہوگا پاک بھارت کشیدگی کے پیش نظر پاک فضائیہ بحالت جنگ موٹر وے کو رن وے کی طرح استعمال کرنے کی مشقیں کیں جس کی دھاک بھارت پر خوب بیٹھی ۔اب تازہ ترین میڈیا رپوٹس کے مطابق پاک فضائیہ کی نقل کرتے ہوئے بھارتی فضائیہ نے بھی ایک ایسی کوشش کی لیکن پوری دنیا کے سامنے منہ شرمندگی کا سامنا کرنا پڑا

۔بھارتی شہر آگرہ سے لکھنو جانے والی نو تعمیر شدہ ایکسپریس ہائی وے جس کا آج افتتا ح بھی کیا جاناہے ، بھارتی فضائیہ نے کسی بھی ہنگامی صورتحال میں ایکسپریس ہائی وے کو رن وے کی صورت میں استعمال کرنے کی مشق کی لیکن ایک بھی طیارہ لینڈ کرنے کی ہمت نہیں کر سکا ،طیارہ اپنے پچھلے پہیے تو سٹرک پر لگا دیتا لیکن پائلٹ نے ٹائر پھٹنے کے خوف سے طیارہ کو لینڈ کروانے کا خطرہ مول نہیں لیا اور واپس طیارے کو اوپر اٹھا لیا ۔یوں بھارتی سورمائوں کا موت سے خوف پوری دنیا کے سامنے واضح ہوگیا ۔ واضح رہے کہ پاکستان کے پاس موٹر وے ایک بڑے اور انتہائی کار آمد رن وے کے صورت میں موجود ہے جسے کسی بھی وقت پاک فضائیہ ہنگامی لینڈنگ کیلئے استعمال کر سکتی ہے اور متعدد بار پاک فضائیہ کی جانب سے اس پر لینڈنگ اور ٹیک آف بھی کیا گیاہے ۔