تہران (آئی این پی)ایران کے سپریم لیڈر آیت اللہ علی خامنہ ای نے جنرل کیمارس حیدری کو ملک کی بری فوج کا نیا سربراہ مقرر کردیا ۔ایرانی میڈیا رپورٹس کے مطابق سپریم لیڈر علی خامنہ ای کی سرکاری ویب سائٹ پر جاری بیان میں کہا گیا ہے کہ جنرل کیمارس حیدری کو ملک کی بری فوج کا نیا سربراہ مقرر

کردیا گیا ہے ۔52 سالہ جنرل حیدری قبل ازیں زمینی افواج کے قائم مقام کمانڈر تھے۔وہ اپنی نوجوانی میں 1980سے 1988 تک لڑی گئی ایران ، عراق جنگ میں بھی حصہ لے چکے ہیں۔ایرانی سپریم لیڈر نے بری افواج کے سابق سربراہ جنرل احمد رضا پوردستان کو قومی آرمی کا قائم مقام کمانڈر مقرر کیا ہے۔ وہ اپنے سابقہ عہدے پر سات سال تک فائز رہے تھے۔واضح رہے کہ ایران کی نیشنل آرمی اور ایلیٹ پاسداران انقلاب کی اپنی الگ الگ فضائی ،بحری اور بری افواج ہیں۔