اسلام آباد(مانیٹرنگ ڈیسک ) داعش کے ہاتھ کیمیائی ہتھیار لگنے کی ر پورٹوں کے بعد سے تمام یورپی ممالک میں ہائی الرٹ کی سچویشن ہے ،لندن سٹی ایئرپورٹ پر بڑی تعداد میں لوگوں کے سانس رکنے پرمبینہ خطرناک کیمیائی ہتھیار کے استعمال کے خدشے کے پیش نظرانتہائی قدم اٹھاتے ہوئے ایئرپورٹ کو خالی کرالیاگیا-لند ن کے سٹی ائیرپورٹ پرجب کئی مسافروں کوکھانسی آناشروع ہوئی تواسی وقت ائرپورٹ حکام نے
تخریب کاری کے خدشے کے پیش نظر ایئرپورٹ کو مسافروں سے خالی کرالیا۔مغربی میڈیاکی رپورٹس کے مطابق لندن کے انتہائی مصروف سٹی ایئرپورٹ پر اچانک کچھ مسافروں کو سانس لینے میں مشکلات کا سامنا کرنا پڑا اور وہ کھانستے رہے جس کے بعد حکام نے کیمیکل کے نفوس کے خطرے کے پیش نظر مسافروں کو ایئرپورٹ کی حدود سے باہر نکال دیا۔اس واقعے کی اطلاع ملتے ہی فائربریگیڈ کا عملہ اور ریسکیو ٹیمیں موقع پر پہنچ گئیں جب کہ 26 مسافروں کو فوری طور پر ہسپتال پہنچادیاگیا۔ادھر میٹروپولیٹن پولیس حکام کا کہنا ہے کہ کسی بھی خطرے کے پیش نظر ایئرپورٹ خالی کرایا گیا ہےاورجلدہی دوبارہ ائرپورٹ آپریشنل کردیاجائے گا۔

موضوعات:حملہ لندن ائرپورٹ