نئی دہلی (این این آئی)اسلام آباد کا ایک چائے والا نوجوان ان دنوں ٹوئٹر پر ٹرینڈ کر رہا ہے اور لوگ اس کا موازنہ بھارت کے وزیر اعظم سے کر رہے ہیں۔برطانوی نشریاتی ادارے کے مطابق سوشل میڈیا پر اس کی تصویر گردش کر رہی ہے اور بہت سی لڑکیاں اس پر اپنی جان چھڑکتی نظر آتی ہیں اور اسے کرہ ارض کا حسین ترین نوجوان قرار دے رہی ہیں۔شمع جونیجو کے ٹویٹر ہینڈل سے ایک سوشل میڈیا صارف نے لکھاکہ قسمت نے اس چائے والے کو سٹار بنا دیا ہے وہ بلا شبہ اس کرہ ارض کے حسین ترین نوجوانوں میں سے ایک ہے۔سوشل میڈیا پر اس چائے والے نوجوان کے نین نقش کی باتیں ہو رہی ہیں اور ان کا موازنہ بالی وڈ کے ستاروں سے کیا جا رہا ہے۔سب سے پہلے ایک خاتون جیاعلی نے اسلام آباد کے اس چائے والے نوجوان کی تصویر پوسٹ کی تھی، جو سوشل میڈیا پر وائرل ہو گئی۔نیلی آنکھوں والے اس چائے فروش کی تصویر پر لوگ طرح طرح کے تبصرے کر رہے ہیں۔ کیا خواتین کیا مرد سب کی اس کے حسن و جمال پر اپنی اپنی رائے ہے۔کسی کو اس نوجوان کی طرح شوہر چاہیے، تو کوئی یہ کہہ رہا ہے کہ ’پاکستان کا چائے والا بھی بالی وڈ کے ستاروں سے زیادہ سیکسی ہے۔خیال رہے کہ اس سے قبل امریکہ میں ایک قیدی کی تصویر اسی طرح وائرل ہوئی تھی اور لوگوں نے اسے ہاٹ کرمنل کہا تھا۔فیس بک پر تبصرے کرنے والی خواتین نے ان کو ماڈلنگ کرنے کا مشورہ دیا اور ایک خاتون ایلی ایبے نے لکھا کہ میں بھی اسے گرفتار ہی کر لیتی۔ میں نے آج تک اتنا ہاٹ مجرم نہیں دیکھا جبکہ تانیا ایچ ٹامس نے لکھا کہ وہ جرم کیوں کر رہا ہے جبکہ ماڈلنگ کرکے کروڑوں کما سکتا ہے۔لیکن پاکستان کے اس چائے والے کو لوگ دو ملکوں کے درمیان ایک ہتھیار کے طور پر بھی دیکھ رہے ہیں۔