اسلام آباد (مانیٹرنگ ڈیسک )’’بھارت کا جنگی جنون ‘‘کونسے ملک سے کیا چیز خریدنے جارہا ہے ؟اہم خیز انکشافات ,جنگی جنون ، بھارت نے روس سے جدید ترین اینٹی میزائل ڈیفنس سسٹم خریدنے کا فیصلہ کیا ہے جو دنیا کا سب سے جدید میزائل ڈیفنس سسٹم ہے۔ اس سسٹم کو ایس 400 یا ’ ٹرمپف‘ (فتح) کا نام دیا گیا ہے۔ یہ معاہدہ بھارتی وزیرِ اعظم نریندرا مودی اور روسی صدر ولادمیر پیوٹن کے درمیان ہوگا جس میں روس ایس 400 ٹرمپف میزائل سسٹم فراہم کرے گا جو درمیانے اور طویل درجے پر کام کرسکتے ہیں ۔ روس نے حال ہی میں اسے شام میں بھی آزمایا ہے۔روس نے اس معاہدے کا اعلان کرتے ہوئے کہا ہے کہ معاہدے پر دونوں ممالک کے سربراہان دستخط کریں گے جس کے لیے دونوں رہنماؤں کی ملاقات بھارتی شہر گووا میں بروز ہفتہ متوقع ہے جہاں وہ برکس سمٹ میں ملاقات کریں گے۔ روس کا کہنا ہےکہ اس کے علاوہ بھارت کو دیگر جنگی سامان بھی فراہم کیا جائے گا جب کہ روسی صدر کے ترجمان کے مطابق یہ اب تک کا سب سے جدید میزائل ڈیفینس سسٹم ہے، ایس 400 سسٹم بہ یک وقت 300 ٹارگٹس کو نشانہ بناسکتا ہے اور ایک وقت میں کئی کلومیٹر سے اڑنے والے مخالف میزائلوں کو گراسکتا ہے۔ واضح رہے کہ بھارت روسی اسلحے کا بڑا خریدار رہا ہے اور مودی حکومت نے روسی ہتھیاروں کو جدید بنانے کے لیے 100 ارب ڈالر کی خطیر رقم رکھی ہے۔ جبکہ دوسری طرف بھارت و روس مشترکہ طور پر سویلین طیارے اور ہیلی کاپٹر بنائیں گے۔ یہ ہیلی کاپٹر 1100کلو گرام وزن اٹھانے کی صلاحیت رکھتا ہے، اس کی رفتار ڈھائی سو کلو میٹر فی گھنٹہ ہے،بھارتی اخبار کے مطابق روسی وزیر تجارت و صنعت میندیس منتروف نے بتایا کہ بھارت نے باقاعدہ طور پر روس سے درخواست کی ہے کہ بھارت کیلئے سویلین طیاروں اور ہیلی کاپٹرز کی مشترکہ پیداوار شروع کی جائے۔اس درخواست کے پیش نظر روس اس منصوبے کیلئے تیار ہے۔ اس کے تحت 226T ka-ہیلی کاپٹرز بھی تیار کیے جائیں گے۔ یہ ہیلی کاپٹر 1100کلو گرام وزن اٹھانے کی صلاحیت رکھتا ہے، اس کی رفتار ڈھائی سو کلو میٹر فی گھنٹہ ہے۔

موضوعات:بھارت بھارت کا جنگی جنون روس