اسلام آباد(مانیٹرنگ ڈیسک) داعش کے سربراہ ابوبکر البغدادی کی حالت زہرخورانی کے بعد انتہائی نازک ہے، نینوا صوبے کے علاقے باعج میں داعش کے سربراہ اور دیگر 3 کمانڈروں کے کھانے میں زہر ملادیا گیا تھا، عراقی خبررساں ایجنسی وا نے زرائع کے حوالے سے بتایا کہ ان چاروں کی حالت انتہائی نازک ہے اور انہیں نامعلوم مقام پر متنقل کردیا گیا ہے، دہشتگرد تنظیم نے زہرخورانی کے واقعے میں ملوث افراد کو پکڑنے کے لئے کارروائی کا آغاز کردیا ہے، اطلاعات کے مطابق داعش کے سربراہ متعدد بار زخمی ہوچکے ہیں، رواں برس کے آغاز میں رپورٹس میں دعویٰ کیا گیا تھا کہ بغدادی امریکی اتحادیوں کے فضائی حملے میں ہلاک ہوگئے ہیں تاہم بعد ازاں یہ دعویٰ غلط ثابت ہوا۔ اگرداعش کے سربراہ کی ہلاکت ہوگئی تو داعش کی مرکزی شوری کااجلاس ہوگاجس میں داعش کے نئے سربراہ کومنتخب کیاجائے گا۔داعش موجودہ سربراہ ابوالبغدادی نے اپنی وصیت بھی لکھ دی ہے جوان کے موت کے بعد منظرعام پرلائی جائے گی ۔عراق میں دہشت گردوں کی جعلی وڈیوز بنوائیں اور اس کیلئے متنازع برطانوی فرم بیل پوٹنگر کو 54 کروڑ ڈالر یعنی 57 ارب 24 کروڑ روپے دئیے۔بیورو آف انویسٹی گیٹو جرنلزم اور برطانوی اخبار کی مشترکہ تحقیقاتی رپورٹ کے مطابق برطانیہ کی پبلک ریلیشنز فرم بیل پوٹنگر نے ایک سائیکولوجیکل آپریشن میں دہشت گردوں کی جعلی وڈیوز بنانے کے لیے پنٹاگون کے ساتھ کام کیا۔امریکی کمانڈر جنرل ڈیوڈ پیٹریاس کا اس سارے معاملے میں اہم کردار رہا،ان کے دستخط کے بعد فرم کا سارا کام آگے جاتا تھا ، برطانوی فرم بیل پوٹنگر کے سابق چیئرمین لارڈ ٹم بیل نے جعلی وڈیو بنائے جانے کی تصدیق کی ہے

دوسری جانب شام میں امریکی ڈرون حملے میں القاعدہ کا سرکردہ رکن ابو الفراج المصری مار اگیا ۔غیرملکی میڈیا کے مطابق امریکی ڈرون طیارے نے شام کے صوبے ادلب میں ایک گاڑی کو نشانہ بنایا۔ میزائل حملے میں گاڑی مکمل طورپرتباہ جب کہ اس میں سوار تمام افراد ہلاک ہوگئے۔مقامی لوگوں کا کہنا ہے کہ حملے کے وقت گاڑی میں مصرسے تعلق رکھنے والے القاعدہ کے سرکردہ رہنما ابو الفراج المصری موجود تھے اورحملے سے وہ ہلاک ہوگئے ہیں تاہم امریکی محکمہ دفاع نے کہا ہے کہ القاعدہ کے ایک ممتاز رکن کو نشانہ بنایا گیا ہے تاہم ہلاک ہونے والے شخص کی شناخت ظاہرنہیں کی گئی۔واضح رہے کہ ابوالفراج المصری افغانستان میں کئی برسوں تک انتہائی متحرک رہے تاہم کچھ عرصہ قبل انہوں نے شام میں القاعدہ کی مقامی شاخ النصرہ فرنٹ میں شمولیت اختیار کرلی تھی۔