پیر‬‮ ، 24 فروری‬‮ 2025 

’’بھارت کا ایک اور پاکستانی کبوتر گرفتار کرنے کا دعویٰ‘‘

datetime 3  اکتوبر‬‮  2016
ہمارا واٹس ایپ چینل جوائن کریں

اسلام آباد(مانیٹرنگ ڈیسک) فرانسیسی خبر رساں ادارے اے ایف پی کی رپورٹ کے مطابق بھارت پولیس نے ریاست پنجاب کے شہر پٹھان کوٹ سے اس کبوتر کو پکڑا ہے جس کے بارے میں دعویٰ کیا گیا کہ اس کے پاس ایک خط موجود تھا جس پر وزیر اعظم نریندر مودی کو مخاطب کرکے کچھ لکھا ہوا تھا۔پٹھان کوٹ کے پولیس انسپکٹر راکیش کمار نے بتایا کہ ’ہم نے کبوتر کو گزشتہ روز اپنی تحویل میں لیا‘۔انہوں نے بتایا کہ ’بھارتی سیکیورٹی فورس کو یہ کبوتر ملا جس کے پاس ایک پرچی تھی جس پر اردو میں لکھا تھا کہ؛ مودی ہم اب 1971 والے لوگ نہیں اب بچہ بچہ بھارت سے لڑنے کے لیے تیار ہے‘۔راکیش کمار نے بتایا کہ یہ پرچی بظاہر شدت پسند تنظیم لشکر طیبہ کی جانب سے بھیجی گئی ہے لہٰذا ہم اس معاملے کی سنجیدگی سے تحقیقات کررہے ہیں۔واضح رہے کہ یہ پہلا موقع نہیں جب ہندوستان میں کسی پرندے کو شک کے بناء پر پکڑا گیا ہوا کئی دہائیوں سے کشیدگی کے دہانے پر کھڑی ان دو جوہری طاقتوں کی چپقلش کا نشانہ کئی پرندے بن چکے ہیں۔
تاہم مذکورہ کبوتر کو ایسے وقت میں پکڑا گیا ہے جب اڑی حملے کے بعد ہندوستان کی جانب سے مبینہ سرجیکل اسٹرائیکس اور پھر بارہ مولہ میں فوجی کیمپ پر حملے کی وجہ سے دونوں ملکوں کے تعلقات کشیدہ ہیں۔اس کے علاوہ یہ کبوتر پٹھان کوٹ میں ملا ہے جہاں رواں برس جنوری میں انڈین ایئربیس پر حملہ ہوا تھا۔علاوہ ازیں حال ہی میں بھارتی پنجاب میں اسی طرح کے پیغامات کے حامل دو غبارے بھی بھی ملے تھے جن میں اردو زبان میں مودی کے لیے کچھ لکھا ہوا تھا۔گزشتہ برس بھی انڈین پولیس نے ایک کبوتر کو پاکستان کے لیے جاسوسی کے الزام میں پکڑا تھا اور اس کا ایکسرے بھی کیا گیا تھا تاکہ یہ معلوم کیا جاسکے کہ کہیں اس میں کوئی خفیہ کیمرا، ٹرانسمیٹر یا چپ تو نصب نہیں۔2013 میں انڈین سیکیورٹی فورسز کو ایک مردہ باز ملاتھا جس پر ایک چھوٹا کیمرا نصب تھا اس کے علاوہ 2010 میں جاسوسی کے شبہے میں ایک اور کبوتر کو پکڑ لیا گیا تھا۔

موضوعات:



کالم



ازبکستان (مجموعی طور پر)


ازبکستان کے لوگ معاشی لحاظ سے غریب ہیں‘ کرنسی…

بخارا کا آدھا چاند

رات بارہ بجے بخارا کے آسمان پر آدھا چاند ٹنکا…

سمرقند

ازبکستان کے پاس اگر کچھ نہ ہوتا تو بھی اس کی شہرت‘…

ایک بار پھر ازبکستان میں

تاشقند سے میرا پہلا تعارف پاکستانی تاریخ کی کتابوں…

بے ایمان لوگ

جورا (Jura) سوئٹزر لینڈ کے 26 کینٹن میں چھوٹا سا کینٹن…

صرف 12 لوگ

عمران خان کے زمانے میں جنرل باجوہ اور وزیراعظم…

ابو پچاس روپے ہیں

’’تم نے ابھی صبح تو ہزار روپے لیے تھے‘ اب دوبارہ…

ہم انسان ہی نہیں ہیں

یہ ایک حیران کن کہانی ہے‘ فرحانہ اکرم اور ہارون…

رانگ ٹرن

رانگ ٹرن کی پہلی فلم 2003ء میں آئی اور اس نے پوری…

تیسرے درویش کا قصہ

تیسرا درویش سیدھا ہوا‘ کھنگار کر گلا صاف کیا…

دجال آ چکا ہے

نیولی چیمبرلین (Neville Chamberlain) سرونسٹن چرچل سے قبل…