اسلام آباد(این این آئی)وزیر اعظم کے معاون خصوصی برائے خارجہ امور طارق فاطمی نے کہاہے کہ بیلاروس اور قازخستان نے نیوکلیئر سپلائرز گروپ (این ایس جی) کی رکنیت کے لیے پاکستان کو اپنی حمایت کا یقین دلایا ہے۔ایک انٹرویو میں طارق فاطمی نے کہا کہ پاکستان، روس اور وسطی ایشیائی ممالک سمیت مختلف ممالک کے ساتھ اپنے تعلقات کو فروغ دے رہا ہے۔انہوں نے کہا کہ دنیا کشمیر کے حوالے سے پاکستان کے موقف کی حمایت کر رہی ہے، جبکہ وزیر اعظم نواز شریف اس مسئلے کو اقوام متحدہ کی جنرل اسمبلی میں بھی اٹھائیں گے۔انہوں نے کہاکہ بیلاروس کے صدر آئندہ ماہ پاکستان کا دورہ کریں گے۔