اسلام آباد(مانیٹرنگ ڈیسک) معروف امریکی ناول نگار کرسٹینا بیکر نے برسوں بعد حیرت انگیز انکشافات کر دیئے۔ تفصیل کے مطابق نجی ٹی وی کے پروگرام میں میزبان نے جب امریکی ناول نگار کرسٹینا بیکر سے سوال کیا کہ جب انہوں نے اسلام قبول کیا تو ان کے معاشرے، لوگوں اور میڈیا کا کیا رد عمل تھا؟ کرسٹینا بیکر نے سوال کے جواب میں کہا کہ’’میں اپنے والدین سے شروع کرتی ہوں۔ انہوں نے مجھ سے کہا کہ اگر تم عمران خان سے شادی نہیں کر رہی تو اس کا مذہب کیوں اپنانا چاہتی ہو؟ تو میں نے جواب میں کہا کہ دیکھئے! آپ مذہب کا فیصلہ کسی دوسرے کو دیکھ کر نہیں کر سکتے۔ آپ کو گہرائی میں دیکھنا پڑتا ہے۔ میں نے اسلام کو عمران خان کی وجہ سے نہیں اپنایا ، عمران نے تو بس اسلام کا تعارف کروایاتھا۔
کرسٹینا بیکر نے نجی ٹی وی پروگرام میں گفتگو کرتے ہوئے کہا کہ میڈیا کا میرے قبول اسلام پر ری ایکشن کافی منفی تھا اور وہ اسے منفی انداز میں پیش کر رہا تھا۔ میڈیا کا کہنا تھا کہ ’’یہ عقل کھو بیٹھی ہے‘‘ میڈیا نے میرے بارے میں بہت عجیب باتیں کی کہ کیا میں دہشت گردی پھیلانا چاہتی ہوں؟ ۔ کرسٹینا بیکر نے کہا کہ میں 1995 میں جرمن اخبارات کی ہیڈ لائن بن کر شائع ہوئی۔ مجھے اطمینان ہے کہ الحمد للہ میں مسلمان ہوں ،، میں نے بہت مشکلات بھی اٹھائیں لیکن اللہ کے کرم سے حل ہو گئیں۔

موضوعات:اسلام کیوں قبول عمران خان کرسٹینا بیکر