اسلام آباد(نیوز ڈیسک)بھارتی میڈیانے دعوی کیا ہے کہ پاکستانی نوجوانوں کا ایک وفدموہن داس کرم چند گاندھی(مہاتماگاندھی)کے یوم پیدائش کے سلسلے میں بھارتی شہرچندی گڑھ میں منعقد کی جانے والی ایک تقریب میں شرکت کریگاوفدکے ارکان اس موقع پر ون ورلڈ ۔ون بِلڈکیمپ میں خون کا عطیہ بھی دیں گے۔مذکورہ تقریب یکم اکتوبرکو چندی گڑھ کے سیکٹر17میں ہوگی ۔ بھارت کی غیرسرکاری تنظیم یوواستاکے کوآرڈینیٹر پرمود شرماکے مطابق پاکستان ،سارک اوردیگر25ممالک کے شہریوں نے تقریب میں شرکت کی تصدیق کردی ہے۔ پاکستانی یوتھ وفدنے تصدیق کی ہے کہ وہ اس موقع پر خون کا عطیہ بھی دیں گے۔پرمودشرمانے بھارتی میڈیاکو بتایا ہے کہ محکمہ صحت کے مقامی حکام خون کے عطیات جمع کریں گے۔