نئی دہلی (نیوز ڈیسک) بھارت میں دو نیپالی خواتین سے جنسی زیادتی کے الزام کی زد میں آنے والے سعودی سفارتکار ماجد حسن کے ملک سے چلے جانے کی اطلاعات ہیں۔ ماجد کو ویانا کنونشن کے تحت سفارتی استثنیٰ حاصل تھا اور اسی کے تحت اسے بھارت سے جانے کی اجازت دی گئی۔ اس سے قبل سعودی سفارتکار کو پولیس نے بیان ریکارڈ کرانے کے لئے طلب کیا تھا مگر وہ پیش نہیں ہوئے۔ یہ واقعہ اس حوالے سے بھی اہم ہے کہ رواں سال کے آخر بھی نریندر مودی سعودی عرب کا دورہ کرنے جا رہے ہیں مگر اس سے قبل ہی دونوں ملک میں سفارتی تناوپیدا ہوگیا اور اب امکان ہے کہ یہ مسئلہ حل ہوجائیگا۔