پیلمائرا (نیوز ڈیسک ) شدت پسند تنظیم داعش نے یونیسکو کا عالمی ورثہ قرار دی جانے والی جگہ پیلمائرا میں واقع قدیم عبادت گاہ بالشامن کو تباہ کر دیا ، پہلی سن عیسوی میں تعمیر کی گئی اس تاریخی عبادت گاہ کا اندرونی حصہ اور ستون مکمل تباہ ہوگئے۔ ادھر شام کے ضلع آدرا کی جیل میں مارٹر گولہ گرنے سے تیرہ افراد ہلاک اور سرسٹھ زخمی ہوگئے۔ جیل کے مرکزی داخلی دروازے کو اس وقت نشانہ بنایا گیا جب قیدیوں سے ملنے کے لیے بڑی تعداد میں شہری موجود تھے۔ حکام کے مطابق مرنے والوں میں زیادہ تر عام شہری شامل ہیں۔