ممبئی (نیوزڈیسک)بھارت کے امیرترین آدمی شخص مکیش امبانی نے اپنی بیوی کواس کی 44ویں سالگرہ پر60ملین ڈالرکی ائربس تحفے میں دی ہے ۔اس بات کاانکشاف ممبئی مرر نے اپنی ایک رپورٹ میں کیاہے ۔اس جیٹ طیارے میں ایک دفتر،کیبن ،میوزک کانظام ،سٹیلائیٹ ٹی وی اوروائرلیس کمیونیکیشن کانظام بھی ہے ۔اس طیارے میں ایک بڑے بیڈروم بھی ہے ۔اخبار نے اپنی رپورٹ میں لکھاہے کہ ائربس بنانے والی کمپنی نے اس طیارے کی خریداری کی تصدیق کردی ہے اوریہ طیارہ جلد ہی ممبئی لایاجائے گاجواس کی بیوی استعمال کرے گی ۔مکیش امبانی کاقیمتی گھربھی مختلف اخبارات کازینت بن چکاہے جبکہ مکیش امبانی کے اس اقدام سے بھارت میں شدید تنقید کی جارہی ہے کہ انہوں نے ایک ایسے ملک میں یہ تحفہ اپنی بیوی کودیاہے جس ملک کی کئی ملین آبادی خط غربت سے نیچے زندگی گزاررہی ہے ۔