واشنگٹن(نیوزڈیسک) امریکی صدر باراک اوباما کینیا اور ایتھوپیا کے 4 روزہ دورے پر روانہ ہو گئے ہیں۔غیرملکی خبررساں ادارے کے مطابق امریکی صدربراک اوبامہ اپنے 20 ارکان اورسینیٹرزکے ہمراہ افریقی ممالک کینیا اورایتھوپیا کے لیے روانہ ہو گئے ہیں جہاں وہ کینیا میں اپنے ہم منصب اوہورو کنیاٹا اورایتھوپیا میں صدر ہایلہ مریم دسالین سے ملاقات کریں گے۔ ملاقات میں معاشی تعلقات کے فروغ اوراقتصادی تعاون بڑھانے جیسے موضوعات پربھی تبادلہ خیال کیا جائے گا اس کے علاوہ اوبامہ نیروبی میں گلوبل انٹرپرینیورشپ سمٹ اجلاس میں شرکت کریں گے جس کے بعد وہ ایتھیوپیا جائیں گے جب کہ براک اوباما ایتھوپیا کا دورہ کرنے والے پہلے امریکی صدرہوں گے۔دورے سے قبل وائٹ ہاس میں ایک تقریب کے دوران ان کا کہنا تھا کہ افریقا کولاحق مختلف چیلنجزکے باوجود یہ خطہ ترقی کی جانب قدم بڑھانے والا خطہ ہے جہاں دنیا کے تیزی سے فروغ پاتی منڈیاں موجود ہیں اورعالمی معاشی مواقع کے لحاظ سے اس براعظم میں ترقی کے بے حد امکانات موجود ہیں۔واضح رہے کہ براک اوباما کے دورے کواس لیےبھی اہمیت دی جا رہی ہے کہ ان کے والد براک حسین اوبامہ سینئیرکا تعلق اسی ملک سے تھا جس کے باعث وہ کینیا سے اپنے جذباتی لگا کے موضوع پربھی خطاب کریں گے۔