اسلام آباد(نیوز ڈیسک) بنگلہ دیش میں رکشا چوری کرنے کے الزام میں 13 سال کے بچے پر تشدد کرنے کی ویڈیو منظرعام پر آگئی ، پولیس نے کارروائی کرتے ہوئے ایک شخص کو گرفتار کرلیا۔ بنگلادیش کے گاو¿ں کمارمیں تیرہ سالہ معصوم سمیع العالم راجن پر گاﺅں کے بااثر افراد نے اتنا تشدد کیا کہ بیچارہ سمیع العالم زخموں کی تاب نہ لاتے ہوئے دم توڑ گیا۔ راجن پر تشدد کی ویڈیو میں اسے پول کے ساتھ بندھے دیکھا جاسکتا ہے۔ اس کے پاس کھڑے ایک شخص نے ڈنڈا اٹھا رکھا ہے جو ڈنڈے کے زور پر بچے سے چوری کا اقرار کرانا چاہتا ہے تاہم بچے کے انکار پر پاس کھڑا درندہ نما انسان ظلم کی انتہا کر دیتا ہے۔ بچے پر اتنے ڈنڈے برسائے جاتے ہیں کہ معصوم زخموں کی تاب نہ لاتے ہوئے دم توڑگیا۔ پولیس نے کارروائی کرتے ہوئے تشدد میں ملوث 30 سالہ اسماعیل حسین کو گرفتار کر لیا ہے جبکہ باقی افراد کی تلاش کیلئے چھاپے مارے جا رہے ہیں۔