جہانگر(اے این این )بھارتی فوج نے پاکستان کے خلاف روایتی پروپیگنڈاجاری رکھتے ہوئے نیاشوشہ چھوڑا ہے کہ آزادکشمیرمیں دولت اسلامیہ(داعش)قدم جمارہی ہے ۔بھارتی فوج کی سولہویں کورکے جنرل آفیسرکمانڈنگ لیفٹیننٹ جنرل کے ایچ سنگھ نے جہانگر میں ایک فوجی تقریب کے موقع پرصحافیوں سے گفتگو کرتے ہوئے انہوںنے کہاکہ ہمیں ملنے والی معلومات کے مطابق داعش آزادکشمیرمیں اپنے قدم جمانے کی کوشش کررہی ہے تاہم ابھی تک اسے کوئی بڑی کامیابی نہیں ملی۔انہوں نے یہ بھی دعویٰ کیاکہ تقریباً دوسوسے دوسوپچیس شدت پسندپیرپنجال رینج میں 36لانچنگ پیڈز پربھارتی حدود میں دراندازی کے منتظربیٹھے ہیں۔انہوں نے الزام عائدکیاکہ سرحد پاردہشت گردی کاڈھانچہ بدستورسرگرم ہے اورتربیتی کیمپ اب بھی فعال ہیں۔