اسلام آباد (نیوزڈیسک)تائیوان کے دارالحکومت تائی پے کے نواح میں موجود ایک تفریحی پارک میں آگ لگنے کے نتیجے میں 500 سے زائد افراد زخمی ہو گئے۔فائر بجھانے والے عملے کے ترجمان نے اپنے بیان میں بتایا کہ شائد آگ رنگین پاو¿ڈر کے سپرے کرنے پر لگی۔سی این اے نامی خبر رساں ادارے سی این اے کے مطابق کچھ افراد 40 فیصد تک جھلس گئے ہیں۔حکام کا کہنا ہے کہ یہ حادثہ ڈسٹرکٹ بالی میں واقع نیو تائی پے شہر کے فارموسا واٹر پارک میں ’کلر پلے‘ کے دوران پیش آیا۔ آگ بجھانے والے عملے کے ترجمان نے میڈیا کو بتایا کہ 83 افراد شدید زخمی ہیں جبکہ 132 کو معمولی نوعیت کے زخمی آئے۔ان کا کہنا تھا کہ مقامی وقت کے مطابق یہ واقعہ شب ساڑھے دس بجے کے قریب پیش آیا۔ترجمان نے بتایا کہ سٹیج کے گرد تقریباً ایک ہزار لوگ جمع تھے جب ایک نامعلوم شے دھماکے سے پھٹ گئی۔تائیوان میں مقامی میڈیا رپورٹس کے مطابق آگ لگنے سے قبل ایک پاو¿ڈر نما چیز ہوا میں پھیلی تاہم آگ لگنے کی اصل وجہ معلوم نہیں ہو سکی۔ آگ پر بہت جلد قابو پا لیا گیا اور زخمیوں کو قریبی ہسپتال میں طبّی امداد کے لیے منتقل کیا گیا۔آگ لگنے کے بعد شہری انتظامیہ نے فوری طور پر پارک کو بند کرنے کا حکم دے دیا۔خیال رہے کہ تائیوان میں آگ سے بچاو¿ کے ناقص انتظامات، غیر قانونی طور پر عمارتوں کی تعمیر اور متعلقہ قوانین پر عمل درآمد نہ ہونے کے باعث گذشتہ چند سالوں میں آگ لگنے کے بڑے واقعات پیش آچکے ہیں۔رواں سال کے آغاز میں بھی ایک حادثے کے دوران چھ فائر فائٹرز ہلاک ہو گئے تھے۔