اسلام آباد (نیوز ڈیسک) 2 سال بعد چوری کی گئی مرغی نے اپنے مالک کو پہچان لیا اور پیچھے بھاگ کر اپنا تعلق ظاہر کر دیا۔ علاقے کے لوگ بے زبان جانور کی وفاداری پر حیران رہ گئے۔تفصیلات کے مطابق علی پور چٹھہ کے قریب واقع گاؤں سید نگر کے رہائشی زوار حسین شاہ کی ایک قیمتی نسلی مرغی 2 سال پہلے چوری ہو گئی تھی۔

حال ہی میں زوار حسین شاہ اپنی موٹر سائیکل پر ایک ڈیرہ کے قریب سے گزر رہے تھے کہ اچانک وہی چوری شدہ مرغی ان کے پیچھے دوڑنے لگی۔ مالک نے مرغی کو پہچان لیا، اسے گلے سے لگا لیا اور اپنے گھر لے آیا۔عام طور پر جانوروں کی وفاداری کی کئی کہانیاں مشہور ہیں، لیکن اس مرغی نے پہچان اور وفاداری کی ایک منفرد مثال قائم کی۔